Ang kasiyahan ang pinakaunang hinahangad ng lahat. Kasiyahan, na nakakamit sa iba't-ibang paraan, bagay at pangyayari. Gayon paman, kaakibat ng kasiyahan ang kahirapan at kalungkutan na araw-araw rin nating natatamasa at ito ay higit nating kinaiinisan. Nais natin ang buhay na walang kahirapan, at putting kasiyahan lamang. Ano ba ang buhay na walang kahirapan? At walang kalungkutan? Minsan ba nating naitanong ito sa ating mga sarili?
Noong Abril, taong kasulukuyan, naghahanda ako para sa pag kuha ng aking kard sa paaralan, ngunit suliranin ko ang natitirang bayarin sa paaralan, sapagkat hindi ko makukuha ang aking kard kung hindi ko ito mababayaran. Sa pagninilay ko, naalala ko ang sinabi ng isa kong kaklase na nais nyang maghanap ng trabaho sa panahon ng bakasyon, kung kayat sumama ako sa paghahanap ng mapapasukang trabaho bilang summer job.
Sa paghahanap namin ng mapapasukan, tumawag ang kapatid ko at sinabing may kakilala sayang paghahanap ng mag-aalaga sa kanilang anak. May alam naman ako sa pag-aalaga sapagkat maraming bata sa aming bahay, kung kaya't pumayag ako. Ibinigay ng kapatid ko ang aking cellphone number sa magiging amo ko at sinabing, "siya nalang ang tatawag sa iyo at magtatakda kung kailan ka magsisimula." Lumipas ang ilang araw bago tumawag si 'ate Niing'- ang amo ko, at sinabihan akong pumunta sa lugar na napag-usapan namin.
Simula noon, nakapag-trabaho ako at natulungan ko ang mga magulang sa pangangailang ng mga magulang ko. Nakakapagod mag-alaga, minsan naisip kong bumitaw na ngunit ng maisip ko ang mga bagay na natutunan at naitutulong ko sa pamamagitan ng pagtatrabaho ko, lahat ng pagod, hirap at pagkabagot ay naisasantabi ko, at pinagpapatuloy ko ang aking nasimulan.
Sa lahat ng bagay ng nakamit ko at nagawa ng mga panahon iyon, masasabi kong walang kasiyahan, kung walang hirap na napagdaanan. Sapagkat, ang higit na kasiyahan ay nakukuha sa hirap at tiyaga na nakukuha naman natin sa ating mga paghihirap. At ang lahat ng bagay ay may kaukulang gantimpala at parusa.
No comments:
Post a Comment