Ang Pinakamasayang Pangyayari
Ngayong Taon
"Rejoice with your life in the beautiful land full of experiences" ani ni Virgie Barangan. Kaya lahat tayo ay may karanasang hindi talaga natin makakalimutan at nanatili ito sa ating puso't isipan. Maaaring karanasan sa pamilya, kaibigan at pagibig. Mga pangyayaring kung saan ikaw ay nasaktan, umiyak, masaya, kinilig at umibig. Naaalala mo pa kaya ang mga pangyayaring iyon? Sigurado akong lahat ng detalye ay naaalala mo pa. Subalit karaniwan sa atin ay mas iisipin ang mga magaganda kaysa sa mga masasama o malulungkot na karanasan. Sino bang hindi gusto ang mga magagandang karanasan? Mayroon ba?
Kung ako ang tatanungin isa sa pinakamasayang pangyayari sa akin ngayong taon ay noong ika-15 ng Mayo pagkatapos ng eleksyon. Sa araw na iyon ay magkasama kami nang aking kamag-anak at pinsan na kung saan ay nagulat ako at saka masaya sapagka't ang unang plano ay ipagdiriwang ang reunion o muling pagtitipon sa Agusan del Sur at ang pinakamasakit ay hindi kami makakapunta. Ngunit ng dahil sa isang pangyayari ay hindi iyon natuloy at napagisipan na dito nalang sa Gingoog City ipagdiriwang ito.
Napagdesisyunan ng lahat na ipagdiriwang ang reunion o muling pagtitipon sa Badiangon. Kaya okupado ang lahat sa paghahanda nang pagkain at kagamitan. Lahat ay masayang nagtutulungan sa kabila nang pagod. Habang sa byahe patungong Badiangon ay nagsisiksikan ang lahat at puno nang tawanan ang sasakyan. Hindi alintana nang lahat ang init ng panahon.
Sa wakas at nakarating narin kami sa aming destinasyon. Matapos ang mahaba at mainit na byahe, ito na kami sa Badiangon. Lahat ay tuwang-tuwa kaya pagkarating na pagkarating ay lumusob agad sa tubig ang mga bata at isa na ako dyan. Simpleng salo-salo sa pagkain, ice cream at kantahan ang naging pangunahing putahe ng reunion. Lumipas ang oras na puro tawanan at pagbabalik-tanaw sa mga nakakatawang pangyayari sa nakaraan. Habang nakatingin sa kanila na nagtatawanan ay lihim akong nakangiti sa kabila nang lamig at mahapding balat ko. Sana sa susunod ay ganito parin kami. Masaya parin. Kahit iba- iba ang mga lugar, buhay at pamilya ay sana magkaroon ng panahon na magkakasama ulit. Gaya nito.
Ang mga ganitong pangyayari sa ating buhay ay hinding hindi makakalimutan kahit para sa iba ay maliit na bagay pero para sa iyo ay napakahalaga. Ang karanasang ito ay pang habang buhay na nanatili sa pagkatao ko. Isa talaga sa pinakamatamis na bagay ay ang muling pagtitipon ng pamilya at kamag anak kahit ito ay nangyari lang sa maikling panahon.
No comments:
Post a Comment